Mlatišuma: Vraćamo se u Adu, idemo na pobjedu protiv Brskova

Trener Rudara, Ado Mlatišuma, za naš portal istakao je da se ekipa vraća na domaći teren spremna da upiše nove bodove.

„Poslije tri pobjede i jednog poraza, vraćamo se napokon u našu Adu, pred naše navijače koji su nam uvijek dodatna snaga. Imali smo određenih problema sa treninzima u prethodnom periodu sad je to sređeno i nastavljamo dalje“, rekao je Mlatišuma.

U okviru petog kola Prve lige, Pljevljaci na svom terenu dočekuju ekipu Brskova, a trener Rudara poručuje da je tim spreman i motivisan.

„Očekujemo pobjedu, ali i želimo da pokažemo zrelost u igri. Naš tim je mlad, mnogi momci tek stiču iskustvo i važno je da budemo strpljivi i damo im vrijeme da rastu kroz svaku utakmicu. Cilj nam je da budemo koncentrisani svih 60 minuta i smanjimo oscilacije koje su normalne kod mladih ekipa“, rekao je trener Rudara.

Ekipa Brskova još uvijek nema osvojenih bodova jer je u tri meča upisala i tri poraza.

„Brskovo je takođe mlada ekipa , ali mi moramo gledati sebe. U našoj dvorani želimo da pokažemo pravo lice Rudara – borbeno, agresivno i timski“, zakljucio je Mlatišuma.

Utakmica Rudar-Brskovo igra se u nedjelju u SC „Ada“ sa početkom u 18:00h. L.K.