Treće mjesto za kompaniju „JAempower“ učenica OŠ „Salko Aljković“

Nakon velikog uspjeha učenika OŠ „Dušan Ivović“ iz Kosanice na Nacionalnom takmičenju mini kompanija GEN-E MNE 2026, zapažen rezultat ostvarile su i učenice JU OŠ „Salko Aljković“, čija je učenička kompanija „JAempower“ osvojila treće mjesto na ovom prestižnom takmičenju održanom u Podgorici.

Tim je predstavio inovativnu digitalnu platformu namijenjenu borbi protiv vršnjačkog nasilja. Platforma je osmišljena kao siguran prostor u kojem učenici mogu anonimno prijaviti nasilje, potražiti podršku i informisati se o prevenciji vršnjačkog nasilja, dok školama omogućava efikasnije praćenje i pravovremeno reagovanje u ovakvim situacijama.

Uspješan tim činile su učenice: Hana Ajanović, Olga Golubović, Helena Petrić, Marijana Milikić i Iskra Vučinić, dok je mentorica projekta bila Samira Mahmutović.

Ovaj rezultat potvrđuje kreativnost, inovativnost i društvenu odgovornost mladih iz Pljevalja, koji kroz svoje ideje nastoje doprinijeti stvaranju sigurnijeg i boljeg okruženja za svoje vršnjake.

L.K

L.K.